Aşıq Ələsgərin nəvəsi Azadlıq Radiosuna nə danışdı?

Mart ayı dahi sənətkarların doğulduğu aydır. Saymaqla bitməz. Cəfər Cabbarlı, Səməd Vurğun, Ismayıl Şıxlı, Hüseynqulu Sarabski, Vaqif Mustafazadə və b.

Mart ayı həm də Göyçəli Aşıq Ələsgərin doğulduğu və dünyadan köçdüyü aydır.

Bu il ustad aşığın dünyaya gəlişinin 191, dünyadan gedişinin 86 ili tamam olur.

AzadlıqRadiosunun «İz» proqramı Novruz ərəfəsində Dədə Ələsgəri bir daha anmağa qərar verdi.

PROQRAMI DİNLƏ

Bu həftə ustad aşığın həyatından hazırladığımız «Ələsgərlə Səhnəbanı» radio dastanını sizə təqdim edirik.

Verilişdə Aşıq Ələsgəri nəvəsi İslam Ələsgər yada salır.

Aşıq Altay Məmmədli isə «Ələsgərlə Səhnəbanı» dastanından məhz AzadlıqRadiosunun dinləyiciləri üçün oxuyur.

Xatırladım ki, ustad aşığın Göyçədəki möhtəşəm məzarı dağıdılıb.

Radio dastanın digər qəhrəmanı—Səhnəbanı isə boranda donub ölüb.

Ötən əsrin əvvəllərində Göyçə yandırılanda oradan qaçan qadın və uşaqların içində Ələsgərin ilk sevgisi Səhnəbanı da olub.

Onda Aşıq Ələsgər sağ idi.

Kənddən qaçanlar Göyçənin «Yalı» deyilən yerinə çatanda, borana düşüb və hamısı donub ölüb...

Dastanı dinləsəniz, Aşıq Ələsgəri öz nəvəsinin dilindən daha yaxından tanıyacaqsınız.