«Amerika Birləşmiş Ştatlarının Qazaxıstanla yaxın əlaqələr qurmaq istəməsi Rusiyanın Orta Asiyada nüfuzuna qarşı yönəlməyib. Qazaxıstan kiminlə istəsə dostluq edə bilər».
Bunu ABŞ-ın Dövlət katibi Kondoliza Rays oktyabrın 5-də Astanada jurnalistlərə deyib.
K.Rays Qazaxıstanda prezident Nursultan Nazarbayev və digər ölkə rəsmilərilə görüşəcək.
Danışıqlar zamanı enerji məsələsi başda olmaqla, iki ölkə arasındakı münasibətlər müzakirə olunacaq.
ABŞ Dövlət Departamentindən verilən məlumata görə, Kondoliza Rays Qazaxıstanda insan haqları və demokratiyanın vəziyyətinə də toxunmaq fikrindədir.
K.Rays Qazaxıstana Hindistandan gəlib.
