Lavrov: "Atəşkəs rejiminin monitorinqi mexanizmi üzərində işləyirik"
Rusiyanın Xarici İşlər naziri Sergey Lavrov oktyabrın 19-da Moskvada Avropa Şurasının Baş katibi Mariya Peyçinoviç-Buriç ilə danışıqlardan sonra birgə mətbuat konfransında Dağlıq Qarabağ münaqişəsindən danışıb.
"Biz inanırıq ki, hazırda ən vacib olan – yəqin ki, bunu etmək böyük cəhd də tələb etmir, – münaqişə tərəfləri arasında, eləcə də məsuliyyət daşıyan beynəlxalq oyunçular tərəfindən qarşıdurma ritorikasını qızışdırmağı dərhal dayandırmaqdır. İkinci vacib addım isə – bu, qarşıdurma ritorikasına son qoymaqla yanaşı həyata keçirilməlidir, – əməliyyatları, mülki hədəfləri vurmağı dayandırmaqdır", – Lavrov deyib.
O əlavə edib ki, Ermənistan və Azərbaycan xarici işlər nazirləri arasında 10 oktyabr görüşündən sonra ümidlər doğrulmayıb, əməliyyatlar davam edib, mülki infrastruktura, yaşayış ərazilərinə zərbələr endirilib ki, "bu qəbuledilməzdir".
"Atəşkəsin işləməsi üçün… atəşkəs rejiminə necə əməl olunmasının monitorinq mexanizmi lazımdır. Biz hazırda Müdafiə Nazirliyimiz, Azərbaycan və Ermənistandan həmkarlarımız ilə birlikdə bunun üzərində fəal şəkildə işləyirik. Ümid edirəm, çox yaxın zamanda belə bir mexanizm razılaşdırılacaq", – Lavrov vurğulayıb.
S.Lavrov: "Tərəfləri əsas maddələrə razılaşmağa vadar etməliyik"
Sergey Lavrov münaqişənin siyasi həllinə yönəlik cəhdlərin əsaslı şəkildə sürətləndirilməsinin vacibliyini, bu məqamın Moskva bəyannaməsində də yer aldığını vurğulayıb.
"ATƏT-in Minsk qrupu həmsədrləri olan Rusiya, Fransa və Birləşmiş Ştatlar tərəflərlə detallı, hərtərəfli prinsipləri hazırlayıb və müzakirə ediblər. Fikrimcə, bu prinsiplərdə bütün suallara cavablar əks olunub. Və bu tarixi məqamda mümkün çərçivədə biz tərəfləri əsas maddələrə razılaşmağa vadar etməliyik. Bu, uzunmüddətli perspektivdə regiondakı durumu sabitləşdirəcək, iqtisadi və nəqliyyat kommunikasiyalarını bərpa edəcək və həm Dağlıq Qarabağ, həm də orada yerləşən digər ərazilər üçün etibarlı təhlükəsizliyi təmin edəcək", – Lavrov bildirib.
Tərtər və Ağdamın atəşə tutulduğu bildirilir
"Ermənistan silahlı qüvvələri Tərtər və Ağdam rayonlarının yaşayış məntəqələrini artilleriya atəşinə tutur".
Bu məlumatı Azərbaycan Müdafiə Nazirliyi oktyabrın 19-u saat 16:50 radələrində yayıb.
Tərtərdə yanğın davam edir
Yanğının müəssisənin əsasən anbarlarında baş verdiyi bildirilir. Yerli sakinlərin deməsinə görə, iki anbarda yanğın hazırda davam edir. Yanğın söndürənlərin onu lokallaşdırmağa çalışdıqları bildirilir. Anbarlarda pambıq olduğu qeyd edilir.