"Bərdədə raket zərbəsindən həlak olan var"
Oktyabrın 5-də səhər saatlarından etibarən Ermənistan silahlı qüvvələrinin dinc Azərbaycan əhalisinin sıx yaşadığı əraziləri növbəti dəfə ağır artilleriyadan atəşə tutduğu bildirilir.
Bu barədə Baş Prokurorluq məlumat yayıb.
Qurum qeyd edib ki, nəticədə Bərdə şəhərinin mərkəzinə və mərkəzi xəstəxananın yaxınlığına düşmüş raket mərmisinin qəlpələrindən Şəhriyar Mehdiyeva həlak olub, 3 nəfər isə müxtəlif dərəcəli bədən xəsarətləri alaraq xəstəxanaya yerləşdirilib.
Baş Prokurorluğun mətbuat xidmətinin bundan əvvəl yaydığı məlumata görə, cəbhədə sentyabrın 27-dən, döyüşlər başladığı vaxtdan Azərbaycanın mülkü əhalisindən 24 şəxs həlak olub, 121 nəfər yaralanıb.
"Gəncə Ermənistan ərazisindən atəşə tutulur"
Ermənistanın Berd rayonu ərazisindən Gəncə şəhərinin atəşə tutulduğu bildirilir.
Bu barədə Azərbaycan Müdafiə Nazirliyi oktyabrın 5-də saat 12:10-da məlumat yayıb.
Füzuli, Ağcabədi, Tərtər, Goranboy və Göygöl atəşə tutulur
Hazırda Füzuli rayonunun Horadiz şəhərini, Ağcabədi rayonunun kəndlərini, Tərtər şəhərini, bu rayonun kəndlərini, Goranboy və Göygöl rayonlarını Ermənistan silahlı qüvvələrinin atəşə tutduqları bildirilir.
Bu barədə Azərbaycan Müdafiə Nazirliyi (AMN) oktyabrın 5-də saat 11:40-da məlumat yayıb.
AMN qarşı tərəfə cavab verdiyini vurğulayıb.
