14 yaşlı uşağın dağıntılar altında qaldığı bildirilir
Oktyabrın 4-də günün ikinci yarsı Azərbaycan Baş Prokurorlugu cəbhədə mülki əhalinin itkiləri ilə bağlı növbəti açıqlama yayıb.
Baş Prokurorluğun mətbuat xidmətindən bildiriblər ki, Ermənistan silahlı qüvvələri Ağcabədi rayonunu növbəti dəfə ağır artilleriyadan atəşə tutub. Qeyd edilib ki, oktyabrın 4-də saat 15 radələrində yeməkxanaya top mərmilərinin düşməsi nəticəsində orada olan Taynaq kənd sakini 2006-cı il təvəllüdlü Fərid Dilafət oğlu İsgəndərov dağıntılar altında qalaraq həlak olub.
Rəsmi qurumlar bundan əvvəl bildiriblər ki, sentyabrın 27-də cəbhədə döyüşlər başlayandan bəri Azərbaycan tərəfdən mülki əhalidən 24 nəfər qarşı tərəfin atəşləri nəticəsində həlak olub, 111 nəfər yaralanıb.
Mübariz İbrahimovun təkbaşına döyüşdüyü postun azad edildiyi deyilir
Azərbaycanın Milli Qəhrəmanı Mübariz İbrahimovun 2010-cu il iyunun 18-də təkbaşına döyüşərək həlak olduğu posta Azərbaycan Bayrağının sancıldığı bildirilir.
Müdafiə Nazirliyinin mətbuat xidmətindən bu gün, oktyabrın 4-də qeyd ediblər ki, artıq həmin post işğaldan azad edilib və orada Azərbaycan Bayrağı dalğalanır.
Nazir həmsədrlərlə danışıb
Oktyabrın 4-də Azərbaycan Xarici İşlər naziri Ceyhun Bayramov və ATƏT-in Minsk Qrupunun Rusiyalı həmsədri İqor Popov arasında telefon danışığı baş tutub.
Bu barədə Azərbaycan Xarici İşlər Nazirliyi (XİN) məlumat yayıb.Məlumatda yazılıb ki, bu danışıq C.Bayramovun təşəbbüsü ilə gerçəkləşib.
“Nazir Ceyhun Bayramov, rusiyalı həmsədrə bölgədəki artan gərginlik, xüsusən də Ermənistanın azərbaycanlı mülki şəxsləri və obyektlərini qəsdən atəşə tutması barədə məlumat verdi. Nazir, təmas xəttindən uzaqda yerləşən Azərbaycan şəhərlərini, o cümlədən Ermənistan ərazisindən... Gəncənin hədəfə çevrilməsinin mülki əhali arasında itki və infrastrukturun məhv olması ilə nəticələndiyini vurğuladı.”
Açıqlamaya görə, O, rusiyalı həmsədrə hazırkı vaxta qədər Ermənistanın açdığı atəş nəticəsində Azərbaycan tərəfdən 24 mülki şəxsin həlak olduğu və 111 nəfərin isə yaralandığı barədə məlumat verib.
“İqor Popov, bölgədəki gərginliyin artmasından ciddi narahatlığını ifadə etdi və atəşkəsə əməletmənin əhəmiyyətini vurğuladı.Nazir Ceyhun Bayramov, BMT Təhlükəsizlik Şurasının müvafiq qətnamələrinə uyğun olaraq, Ermənistanın bütün silahlı qüvvələrinin Azərbaycanın işğal olunmuş ərazilərindən çıxarılmasının bölgədə sülhün təmin edilməsi üçün mühüm şərt olduğunu qeyd etdi”,məlumatda yazılıb.
Fransalı həmsədrlə də telefon danışığı olub
Oktyabrın 4-də Azərbaycan Xarici İşlər naziri C.Bayramovun təşəbbüsü ilə onun ATƏT-in Minsk Qrupunun Fransadan olan həmsədri Stefan Viskonti ilə də telefon danışığı baş tutub.
Nazir təqribən eyni fikirləri fransalı həmsədrin də diqqətinə çatdırıb.
“Stefan Viskonti, bölgədəki gərginliyin artmasından ciddi narahatlığını ifadə edib və atəşkəsə əməletmənin əhəmiyyətini vurğulayıb”,XİN bildirir.
Cəbrayıl 27 iləvvəl işğal edilmişdi
Cəbrayıl rayonu 1993-cü il avqustun 23-ü işğal edilmişdi.
Bu rayonun 1050 kv.km ərazisi var. Rayon işğal olunarkən 200 civarında adamın həlak olduğu, 91 nəfərin itkin düşdüyü, 177 nəfərin də əlil olduğu bildirilirdi.
Cəbrayıl rayonun əhalisi 60 minə yaxın olub.Rayonda 90 kənd var.
