Aksiya iştirakçılarının bəziləri yenidən toplaşaraq saxlananların buraxılmasını tələb ediblər. Polislər isə hamının buraxıldığını qeyd edərək, onlardan dağılmağı istəyiblər.
Bundan sonra aksiya iştirakçıları yenidən “ şiddətə susma” və başqa şüarlar səsləndiriblər. Aksiyada bəzi partiya sədrləri də iştirak edib.
REAL sədri İlqar Məmmədov, 20 oktyabr 2019
***
Bu gün, oktyabrın 20-də Bakının mərkəzində, Natavanın heykəli önündə “şiddətə son”, “ şiddətə dözmə” kimi şüarlarla aksiya keçirilir.
Əllərində müxtəlif şüarlar yazılşmış plakatlar olan aksiya iştirakçıları qadınlara şiddətin əleyhinə olduqlarını bildiriblər. Aksiya yerinə polislər gəlib.Onlar aksiya iştirakçılarının əlində olan plakatları alaraq cırıblar. Aksiya iştirakçılarından saxlanıb, aparılanlar da olub.
Qadına qarşı zorakılığa etiraz, BakI 20 OKTYABR 2019
Aksyadan əvvəl yayılan bəyanatda qeyd edilir ki, onlar Azərbaycanda baş verən, son dövrlərdə daha da intensiv hal alan qadın qətllərinə, məişət zorakılıqlarına, psixoloji və fiziki zorakılıqlara etiraz edirlər.
“Biz təhsildən məhrum edilən, zorla evləndirilən, əməyi istismar olunan, intihara sürüklənən qadınların və gənc qızların haqları uğrunda hərəkətə keçirik.”, deyə bəyanatda bildirilir.
Buna da bax: Bakıda 'Qadına şiddətə yox' aksiyası keçirilibBəyanatda habelə yazılıb ki, qadınları ikinci dərəcəli varlıq olaraq görən, onların bərabərsizliyini və istismarını bəsləyən patriarxal dəyərlər hüquq-mühafizə sistemində, digər dövlət strukturlarında da hakimdir.
“Tələb edirik ki, İstanbul Konvensiyası kimi tanınan “Qadınlara qarşı zorakılıq və məişət zorakılığının qarşısının alınması və ona qarşı mübarizə haqqında Avropa Şurası Konvensiyası” imzalansın...”, bəyanatda yazılıb.
Polislər aksiyanın genişlənməsinə imkan vermir, Bakı, 20 oktyabr 2019
Polislər aksiyanın qarşısının alınmasını onun şəhər rəhbərliyi ilə razılşdırılmaması ilə izah ediblər.
Sizin brauzer HTML5-i dəstəkləmir
Bakıda aksiya: Bu dəfə "Qadına qarşı zorakılıqlara son qoyulsun deyilir
Qadınların keirdiyi bu aksiyada da təmizlikçi qadınlar gözə dəyib, 20 oktyabr 2019
Aksiya keçirənlərin qaldırdıqları plakatlar
Aksiyadakı tələblərdən biri