OBAMA İŞİDla UZUN SÜRƏN MÜHARİBƏ OLACAĞINI DEYİR
"Bu, uzunmüddətli bir müharibə olacaq. Onun sürətli həlli yoxdur. Cəlb olunduğumuz və bizim hərbi səylərimizi birləşdirən bu kampaniyanın ilkin mərhələsindəyik. Uğurlu günlərmizlə yanaşı, uğursuz dövlər də olacaq. Biz İŞİDı əzib tamamilə məhv eləmək kimi ümumi məqsəd ətrafında birləşmişik ki, bir daha nə İraq, nə region nə də dünya bu təhlükə ilə üzləşməsin".
Bunu İŞİDlə mübarizə strategiyasını müzakirə edən xüsusi toplantıdan əvvəl ABŞ prezidenti Barack Obama bəyan edib. Onun sözlərinə görə, hazırda İraqın Anbar və Suriyanın Kobani (Aym al Arabia) şəhərində İŞİD hərbi birləşmələrinin hücumları diqqət mərkəzindədir və qeyd edib ki, koalisiya aviasiyasının hava zərbələri davam edəcək.
Oktyabrın 14-də Vaşinqton yaxınlığındakı hərbi bazaya toplaşan 20 ölkənin nümayəndəsi İŞİDla mübarizə yollarını müzakirə edir. Görüşdə Türkiyə, eləcə də ABŞ koalisiyasına qoşulmuş dövlətlər iştirak edir.
Eskpertlər ABŞ-ın İŞİDla mübarizədə Türkiyəyə xüsusi əhəmiyyət veridyini qeyd edirlər. Türkiyə öz növbəsində ancaq İŞİD deyil, həmçinin Assad rejimi ilə mübarizə tərəfdarıdır.
İŞİDla döyüşə bilən quru qoşunları sıfırdan qurulacaq - Türkiyədə?
"İŞİD ilə quruda döyüşə bilən mötədil Suriya müxalifəti mövcud deyil. Nəticədə Kobanidəki kimi vəziyyət yarananda bizim hadisələrə təsir imkanlarımız məhdudlaşır. Hazırda hava zərbələri öz təsirini göstərsə də, onun davamı kimi qurudan hücum edərək mühasirəyə son qoya biləcək hərbi qüvvələr yoxdur". - Suriyadakı vəziyyəti şərh edən Ağ evin təmsilçisi Josh Earnest jurnalistlərə bildirib və əlavə edib ki, ötən həftənin sonunda ABŞ nümayəndəsi ilə danışıqlar zamanı Türkiyə öz ərazisində Suriya müxalifətinin hərbi təlim keçməsinə və Suriyadakı hərvi əməliyyatlara texniki yardım göstərməyə razılıq verib.
İŞİD SIRALARI ÇİHADÇILARLA BELƏ DOLUR
Uzun müddətdir ki, dünyanın müxtəlif nöqtələrindən radikal islamçılar Suriyaya gedərək İŞİD sıralarına qoşulurdular. Onların hərəkət marşrutu əsasən Türkiyədən keçirdi. Xüsusilə Qərb ölkələrindən olan radikallar turist kimi Türkiyəyə maneəsiz gəlir, sonra da Suriyaya keçirdilər. Bu xəritəni paylaşan Avstraliya siyasətçisi İŞİDə qoşulanların sayına görə Tunisin birinciliyinə diqqət çəkir - 3000 nəfər.
Mosul ilə Bağdad arasında da döyüşlər gedir. Kobaniyə 20-yə yaxın hava zərbəsi
Bu video Kürd Peşmərgəsi ilə döyüşdə öldürülmüş İŞİD döyüşcüsünün cibindən tapılan mobil telefonla çəkilib.
Son 2 gündə ABŞ-ın başçılıq etdiyi koalisiya Kobani şəhəri ətrafında İslam Dövləti yaraqlılarının mövqelərinə 8 hava zərbəsi endirib. Radikal islamçıların Anbar əyalətində də bombardıman edildiyi bildirilir. Ətraflı burada oxu