Daxili işlər naziri Ramil Usubov jurnalistlərlə söhbətində bildirib ki, DİN-in sabiq əməliyyat müvəkkili, polkovnik-leytenant Hacı Məmmədovun məhkəməsində şahid qismində ifadə verməyə hazırdır:
«Hakim nazirin məhkəmədə iştirakını vacib sayarsa, mən getməyə hazıram».
Hacı Məmmədovun və onun rəhbərlik etdiyi dəstənin məhkəməsində vəkillər istintaq materiallarındakı bəzi məsələlərlə bağlı nazir Ramil Usubovun ifadə verməsini istəmişdilər. Bu dəstə adam oğurluğu və qətllərdə ittiham olunur.
