02:16
24.2.2014
ABŞ-ın Milli Təhlükəsizlik Müşaviri Susan Rice bildirib ki, Rusiyanın Ukraynaya qoşun göndərməsi "ağır səhv" olardı.
NBC telekanalına müsahibəsində o, qeyd edib ki, Ukraynanın parçalanması heç kəsin mənafeyinə uyğun deyil.
Onun sözlərinə görə, Washington Ukraynada demokratik seçkilərin keçirilməsini, milli birlik hökumətinin yaradılmasını istəyir.
Rice ABŞ-ın hazırda Ukraynaya maliyyə yardımı ayırmaq üçün Beynəlxalq Valyuta Fondu ilə birgə çalışdığını bildirib.
00:49
24.2.2014
Bugün Ukrayna Ali Radası spiker Oleksandr Turchynov prezident səlahiyyətlərini müvəqqəti icra etməsinə dair qərar qəbul edib.
O. Turchynov Yulia Tymoshenkonun Batkivshchyna- partiyasının sədr müavinidir.
O. Turchynov əvvəllər Ukraynanın Təhlükəsizlik Xidmətində çalışıb.
O. Turchynov Yulia Tymoshenkonun Batkivshchyna- partiyasının sədr müavinidir.
O. Turchynov əvvəllər Ukraynanın Təhlükəsizlik Xidmətində çalışıb.
19:18
23.2.2014
Ukraynanın azadlığa çıxmış keçmiş baş naziri Yulia Tymoshenko fevralın 23-də ABŞ səfiri Jeff Payette və Avropa Birliyinin nümayəndəliyinin rəhbəri Jan Tombinski ilə görüşüb. Görüşdə ölkənin hazırki böhrah halından çıxarılması yolları müzakirə olunub.
Məlumatı “Batkivşina” (Vətən) fraksiyasının mətbuat xidmətinə istinadən İnterfaks yayıb.
Səfirlər Tymoshenko-nu azadlığa çıxması münasibətilə təbrik ediblər, ona tezliklə sağlamlığına qovuşmağı arzulayıblar. Tərəflər hazırki durumu təhlil ediblər, böhrandan çıxış yollarını götür-qoy ediblər.
“Batkivşina”nın məlumatına görə, səfirlər razılaşıblar ki, Ukraynanın bütövlüyünü qorumaq, vətəndaşların ölümünə səbəb olan cinayət xarakterli göstərişlər verənlərin cəzalandırılması prioritet məsələlərdəndir.
Tombinski məlumat verib ki, Avropa Birliyinin Xarici Siyasət İdarəsinin rəhbəri Catherine Ashton gələn həftənin əvvəlində Ukraynaya səfər planlaşdırır.
19:16
23.2.2014
Ukrayna prezidenti bu iqamətgahda yaşayırdı...
Fevralın 22-də Ukrayna müxalifəti prezident Viktor Yanukovych-in paytaxt Kiyevin 15 kilometr cənubunda yerləşən və Mezhyhirya adlanan əsas iqamətgahını ələ keçirib. İqamətgahın içərisinə heç kim buraxılmır, amma adamlar çoşqu ilə malikanənin qarşısında xatirə fotoları çəkdirirlər. Fotoları təqdim edirik: